ಆನೆ ಬಂದಿತಮ್ಮ

ಆನೆ ಬಂದಿತಮ್ಮ
ಮರಿಯಾನೆ ಬಂದಿತಮ್ಮ || ಪ ||

ತೊಲಗಿರೆ ತೊಲಗಿರೆ ಪರಬ್ರಹ್ಮ
ಬಲು ಸರಪಳಿ ಕಡಕೊಂಡು ಬಂತಮ್ಮ || ಅ.ಪ ||

ಕಪಟನಾಟಕದ ಮರಿಯಾನೆ |
ನಿಕಟ ಸಭೆಯೊಳು ನಿಂತಾನೆ ||
ಶಕಟನ ಭಂಡಿಯ ಮುರಿದಾನೇ |
ಕಪಟನಾಟಕದಿಂದ ಸೋದರ ಮಾವನ
ಅಕಟಕಟೆನಿಸಿ ಕೊಂದಾನೆ || ೧ ||

ಕೀಳು ಭುವನವ ಉಂಡಾನೆ |
ಸ್ವಾಮಿ ಬಾಲಕನೆಂಬೋ ಚೆಲುವಾನೆ ||
ಚೆಲುವ ಕಾಳಿಂಗನ ಹೆಡೆಯಲಾಡುತ
ಮದಸೊಕ್ಕಿ ಬರುತಾನೆ || ೨ ||

ಭೀಮಾರ್ಜುನರನು ಗೆಲಿಸ್ಯಾನೆ |
ಪರಮಭಾಗವತರ ಪ್ರಿಯದಾನೆ ||
ಮದಮುಖದಸುರರ ದಿಗಿಲಿಟ್ಟುಕೊಂದ
ಪುರಂದರವಿಠ್ಠಲನೆಂಬಾನೆ || ೩ ||