ದೇವಿ ನೀ ಪಾಲಿಸವ್ವ

ದೇವಿ ನೀ ಪಾಲಿಸವ್ವ ಪ್ರಸಾದವ || ಪ ||

ನುಡಿವಂಥ ಬಿನ್ನಪವ ಲಾಲಿಸಿ ನೀನು |
ಕೊಡು ನಮಗೆ ಇಷ್ಟಾರ್ಥವ ||
ಕಡುದೃಢದಿಂದಲಿ ಬಿಡದೆ ನಂಬಿದೆ ನಿನ್ನ |
ಜಡೆಯೊಳಗಿರಿಸಿದ ಮುಡಿವಾಳದೆಸಳನ್ನು || ೧ ||

ಭೃಂಗಕುಂತಳೇ ಕಲ್ಯಾಣಿ |
ಫಣಿವೇಣಿ ಸಂಕ ರಹಿತೇ ಶರ್ವಾಣಿ ||
ಮಂಗಳಾಂಗಿಯೇ ಮಹಾತುಂಗ ವಿಕ್ರಮರೂಪೆ |
ಶೃಂಗಾಲಾಗಿರಿಸಿಹ ಸಿಂಗಾರದೆಸಳನ್ನು || ೨ ||

ಚಂಡಿರೂಪವ ಧರಿಸಿ ಭೂಮಿಯ ಮೇಲೆ |
ಚಂಡಮುಂಡರ ವಧಿಸಿ ||
ಚಂಡನಾಡಿದೆ ದೇವಿ ಖಂಡಲಾರ್ಚಿತೆ |
ತವ ವಂದೆಯೊಳಿಹ ಚೆಲ್ವಾ |
ಕೆಂಡ ಸಂಪಿಗೆ ಹೂವ || ೩ ||

ಪುಳಿನಪುರದಿ ವಾಸಿಸಿ |
ಪುಣ್ಯಾತ್ಮರ ಕುಲದೇವಿಯೆಂದೆನಿಸಿ ||
ಹೊಳವು ದೊರುತಲೂರೆ ಚೆಲುವ ಭಕ್ತರ ಮನ |
ಕೊಲಿದು ಇಷ್ಟಾರ್ಥವ ಸಲಿಸುವ ಮಹಾದೇವಿ || ೪ ||