ಕೃಷ್ಣ ಬಾರೊ ರಂಗ ಬಾರೋ

ಕೃಷ್ಣ ಬಾರೊ ರಂಗ ಬಾರೋ
ಕೃಷ್ಣಯ್ಯ ನೀ ಬಾರಯ್ಯ || ಪ ||

ಸಣ್ಣ ಹೆಜ್ಜೆಯನಿಟ್ಟು ಗೆಜ್ಜೆನಾದಗಳಿಂದ || ಅ.ಪ. ||

ಮನ್ಮಥಜನಕನೆ ಬೇಗನೆ ಬಾರೊ |
ಕಮಲಾಪತಿ ನೀ ಬಾರೊ |
ಅಮಿತಪರಾಕ್ರಮ ಶಂಕರ ಬಾರೊ |
ಕಮನೀಯ ಗಾತ್ರನೆ ಬಾರಯ್ಯ ದೊರೆಯೆ || ೧ ||

ಸುರುಳು ಕೇಶಗಳ ಒಲಿವ ಅಂದ |
ಭರದ ಕಸ್ತೂರಿ ತಿಲಕದ ಚಂದ |
ಶಿರದಿ ಒಪ್ಪುವ ನವಿಲುಕಣ್ಗಳಿಂದ |
ತರತರದ ಆಭರಣಗಳ ಧರಿಸಿ ನೀ ಬಾರೊ || ೨ ||

ಹಾಲುಬೆಣ್ಣೆಗಳ ಕೈಯಲ್ಲಿ ಕೊಡುವೆ |
ಮೇಲಾದ ಭಕ್ಷ್ಯಗಳ ಮುಚ್ಚಿಟ್ಟು ತರುವೆ |
ಜಾಲ ಮಾಡದೆ ನೀ ಬಾರಯ್ಯ ಮರಿಯೆ |
ಬಾಲ ಎನ್ನ ತಂದೆ ಪುರಂದರವಿಠಲ || ೩ ||