ಮಂಗಲಂ ಜಯ ಮಂಗಲಂ
ರಚನೆಕಾರ: ಕನಕದಾಸರು
ವರ್ಗ: ಮಂಗಳಂ
ಮಂಗಲಂ ಜಯ ಮಂಗಲಂ ಮಂಗಲಂ ಜಯ ಮಂಗಲಂ || ಪ ||
ಅಂಧಕನನುಜನ ಕಂದನ ತಂದೆಯ ಕೊಂದವನ
ಶಿರದಲಿ ನಿಂದವನ
ಚೆಂದದಿ ಪಡೆದನ ನಂದನೆಯಳನೊಲವಿಂದದಿ
ಧರಿಸಿದ ಮುಕುಂದನಿಗೆ || ೧ ||
ರಥನಡರಿ ಸುರಪಥದಲಿ ತಿರುಗುವ
ಸುತನಿಗೆ ಶಾಪವನಿತ್ತವನ
ಖತಿಯನ್ನು ತಡೆದನ ಸತಿಯ ಜನನಿ ಸುತ
ಸತಿಯರನಾಳಿದ ಚತುರನಿಗೆ || ೨ ||
ಹರಿಯ ಮಗನ ಶಿರ ಹರಿದನ ತಂದೆಯ
ಹಿರಿಯ ಮಗನ ತಮ್ಮನ ಪಿತನ
ಭರದಿ ಭಕ್ಷಿಸುವನ ಶಿರದಲಿ ನಟಿಸಿದ
ವರಕಾಗಿನೆಲೆಯಾದಿಕೇಶವರಾಯಗೆ || ೩ ||
ಅಂಧಕನನುಜನ ಕಂದನ ತಂದೆಯ ಕೊಂದವನ
ಶಿರದಲಿ ನಿಂದವನ
ಚೆಂದದಿ ಪಡೆದನ ನಂದನೆಯಳನೊಲವಿಂದದಿ
ಧರಿಸಿದ ಮುಕುಂದನಿಗೆ || ೧ ||
ರಥನಡರಿ ಸುರಪಥದಲಿ ತಿರುಗುವ
ಸುತನಿಗೆ ಶಾಪವನಿತ್ತವನ
ಖತಿಯನ್ನು ತಡೆದನ ಸತಿಯ ಜನನಿ ಸುತ
ಸತಿಯರನಾಳಿದ ಚತುರನಿಗೆ || ೨ ||
ಹರಿಯ ಮಗನ ಶಿರ ಹರಿದನ ತಂದೆಯ
ಹಿರಿಯ ಮಗನ ತಮ್ಮನ ಪಿತನ
ಭರದಿ ಭಕ್ಷಿಸುವನ ಶಿರದಲಿ ನಟಿಸಿದ
ವರಕಾಗಿನೆಲೆಯಾದಿಕೇಶವರಾಯಗೆ || ೩ ||
