ರಾಮ ಭಜನೆ ಮಾಡೋ

ರಾಮ ಭಜನೆ ಮಾಡೋ
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ಪ ||

ರಾಮ ರಾಮ ಜಯ ರಾಘವ ಸೀತಾ
ರಾಮನೆಂದು ಸುಸ್ವರದಲಿ ಪಾಡುತ
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ಅ.ಪ ||

ತಾಳವನು ಬಿಡಬೇಡ ಮೇಳವನು ಮರೆಬೇಡ
ತಾಳಮೇಳಗಳ ಬಿಟ್ಟು ನುಡಿದರೆ
ತಾಳನು ನಮ್ಮ ಇಳಾಸುತೆಯರಸನು
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ೧ ||

ಚಿತ್ತವನು ಚಲಿಸದಿರು ಭೃತ್ಯ ಮನೋಭಾವದಲಿ
ಸತ್ಯ ಜ್ಞಾನ ಅನಂತ ಬ್ರಹ್ಮನು
ಹೃದ್ಗತನೆಂದರಿಯುತ ಭಕುತಿಯಲಿ
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ೨ ||

ಭಲರೆ ಭಲರೆಯೆಂದು ತಲೆದೂಗುವ ತೆರದಿ
ಕಲಿಯುಗದಿ ವರ ಕೀರ್ತನೆಯಿಂದಲಿ
ಸುಲಭದಿ ಹರಿಯ ಪ್ರಸನ್ನತೆ ಪಡೆಯಲು
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ೩ ||